Денес е вторник, 3 јануари 2017 година, 3-иот ден во годината. Сонцето изгреа во 06:55, а ќе зајде во 16:20 часот. Денот ќе трае 9 часа и 25 минути.

Претежно ведро и студено утро имаме и денес во најголем дел од Македонија, со исклучок на крајните западни предели каде што преовладува претежно облачно време, па овдека имаме и повисоки утрински температури.

МАКЕДОНИЈА – Во Македонија денеска ќе биде умерено облачно време со повремени сончеви периоди. Доцна попладне и навчер во северните, северозападните и западните предели нестабилно со слаби врнежи од дожд. Над 800 метри надморска висина како и на планините и планинските превои се очекуваат слаби врнежи од снег. Ќе дува доумерен северен и северозападен ветер, а во западните предели западен ветер. Утринските температури од -11 до 3 степени, а максималните температури ќе достигнат до 2 односно до 10 степени.

СКОПЈЕ – Во Скопје денеска по утринската магла во текот на денот ќе биде умерено облачно со повремени сончеви периоди и ветровито. Доцна навечер со услови за слаб дожд. Утринската температура од -6 а максималната дневна до 6 степени.

МАКЕДОНИЈА 5 ДЕНА – Во среда во раните утрински часови во западните и крајните источни и североисточни предели провејување на слаб дожд и снег, а во текот на денот насекаде ќе биде умерено облачно со повремени сончеви периоди. Максималните температури од 0 до 8 степени. Во четврток облачно со врнежи од дожд и снег. Врнежите од снег прво ќе започнат над 700 метри а во текот на денот снежната граница ќе се спушта, па во попладневните и во вечерните часови врнежи од снег ќе има насекаде и ќе бидат проследени со засилен северозападен и североисточен. Максималните температури од -2 до 6 степени. Во петок облачно време со врнежи од снег и ветровито и доста постудено време со осетно опаѓање на температурите кои ќе достигнат до -7 односно 1 степен. Во сабота умерено облачно време со повремени сончеви периоди и многу студено време со температури кои се невообичаени за овој период од годината, и многу ретко ги имавме во последните 10 години. Минималните од -17 до -9 степени, а дневните од -13 до -5 степени.