На 27 април 2012 година бил спроведен тест за авионска несреќа во пустината Лагуна Салада, северно Мексико, после четири години проучување и 2 милиони долари инвестиција во подготовката на овој суштински настан во светот на авијацијата.

Целта била да се открие како патниците во внатрешноста на авионот ја доживуваат несреќата, како и последиците од несреќата врз патниците. Биле поставени кукли на стратешки локации во авионот за време на тест несреќата. Исто така, биле поставени и камери и внатре и надвор од трупот на авионот, со цел да се направат фотографии никогаш невидени претходно.