Фејсбук „тивко“ додаде нова функција на вашите профили која ви овозможува да им кажете „здраво“ на вашите пријатели, со притискање на едно копче. Но, сето ова ви изгледа малку познато, нели?

Доколку кликнете на копчето за „Hello“, ќе ви излезе пораката: „(.... said hello to you. You can say hello back“).


Доколку го кликнете известувањето ќе ве одведе на страна која ги прикажува сите луѓе кои ви рекле „Hello“ заедно со опција да им вратите. Опцијата всушност е иста како „Poke“ од минатото. Но, не станува збор за замена на „Poke“ бидејќи оваа опција сè уште постои.

Останува прашањето зошто служи оваа чудна опција и дали ќе има некакво официјално објаснување од самиот Цукерберг.