Во време кога секојдневно пишуваме на тастатура, кога сè поретко добиваме разгледници и честитки, кога веќе никој не испраќа писма по пошта, кога резултатите покажуваат дека децата во Македонија се неписмени, а ракописот е форма која изумира, Факултети.мк избира најубав ракопис. Ако сметате дека убаво пишувате, напишете ја песната „Убавите жени“ од Блаже Конески на хартија во формат А4 без линии, ставете ја во коверт и испратете ја на адресата на Факултети.мк: ул. „Лондонска“, бр. 19 локал 7, 1000 Скопје, најдоцна до 20 ноември.

За најубавиот ракопис следува убаво изненадување. Бидејќи понекогаш писмата во Македонија не стигнуваат на вистинското место, пред да го ставите оригиналот во коверт фотографирајте го ракописот и испратете ни го на е-адресата info@fakulteti.mk, а ние ќе ви испратиме електронска пошта кога ќе ни пристигне оригиналот.

Ракопис може да испрати секој без оглед на возраста.

Со среќа,
тимот на Факултети.мк