Студија открива друг симптом на депресија што често се занемарува. Се работи за неможноста да се направи разлика помеѓу негативните емоции како вина, лутина и фрустрација.


Од учесниците во студијата било побарано да известуваат за своите емоции на случајни интервали во период од една недела. Половината од нив имале клиничка депресија. Експертите сметаат дека е тешко да се подобри животот доколку не знаете дали сте тажни или лути за одредена состојба. Учесниците имале задача да ги измерат своите чувства во 11 различни емоции, од кои 7 се негативни.

-    Тага
-    Анксиозност
-    Лутина
-    Фрустрација
-    Срам
-    Одвратност
-    Вина

Се открило дека учесниците што имаат клиничка депресија имаат тешкотија да ги разликуваат емоциите што ги чувствуваат, за разлика од луѓето што не патат од депресија и биле појасни на оваа задача. Позитивните емоции биле:

-    Среќа
-    Возбуда
-    Свесност
-    Активност

Студијата покажала дека и депресивните и учесниците што немале депресија можеле да направат разлика помеѓу овие емоции.

Се заклучува дека е позитивно за самата индивидуа кога ги специфицира негативните емоции, а можеби е најдобро да се избегнува размислувањето за тоа дали се чувствуваме генерално лошо или незадоволно. Потребна е спецификација – дали е лутина, срам, вина или некоја друга емоција? Експертите сметаат дека ова може да помогне за подобрување на животот. Немањето способност за правење разлика меѓу негативните емоции може да доведе и до проблеми при одредувањето на третманот.