На 11 август 2014 година светот остана шокиран кога откри дека го изгуби генијот Робин Вилијамс. Тој си го одзеде животот по долгата борба со депресијата, како и почетните фази на Паркинсоновата болест. Зад себе остави неверојатна кариера како стендап-комчар и како актер во незаборавни улоги во „Г-ѓа Даутфаер“, „Друштвото на мртви поети“, „Добриот Вил Хантинг“, „Добро утро, Виетнам“. Во продолжение се некои од неговите најмоќни цитати низ годините.

- Мислам дека најтажните луѓе секогаш најмногу се трудат да ги развеселат другите луѓе. Баш затоа што тие знаат како е да се чувствуваш безвредно и не сакаат тоа да го почувствува никој друг.

- Без оглед на тоа што велат луѓето, зборовите и идеите можат да го променат светот.

- Некогаш мислев дека најлошата работа во животот е да завршиш целосно сам. Не е. Најлошата работа во животот е да завршиш со луѓе покрај кои се чувствуваш како да си целосно сам.

- Ќе имаш лоши периоди, но секогаш ќе те освестат за добрите работи на кои не си обрнувал внимание.

- Дадена ти е само мала искра на лудило. Не смееш да ја изгубиш.

- Реалноста е само поткрепа за луѓето што не можат да се справат со дрогата.

- Ако сте во депресија, побарајте помош од некој. И запомнете, самоубиството е трајно решение за привремен проблем.