Каталонија отсекогаш била горда на својот посебен јазик и културно наследство и уште од одамна ревносно ја чувала својата автономија. Таа отсекогаш се сметала за посебен дел од Шпанија.

Каталонија е само еден од многуте примери на држави што прогласиле независност и побарале дипломатско признавање од меѓународната заедница како суверени држави. Сепак, голем дел од овие земји не биле признати како такви, а карактеристично е што речиси сите имаат контрола врз нивната територија.

Во меѓународното право политичкиот ентитет треба да исполни различни критериуми за да стане држава. Еден од овие критериуми е дека другите држави мора да ја препознаат како држава. Ако повеќе држави ја препознаат, станувањето држава е полесно.

Многу од наведените територии подолу се отцепиле од нивната првична матична држава.

Делумно признати држави со де факто контрола врз нивната територија

Абхазија во Грузија е самопрогласена независна држава. Призната е од Руската Федерација, Никарагва и од Венецуела. Се наоѓа помеѓу Кавказ и Црното Море, признаена од грузиската влада како дел од северозападна Грузија. За време на советскиот период Абхазија се споила со Грузија, во 1931 година, како автономна република во рамките на советска Грузија. Абхазиските совети прогласиле независност од Грузија во 1992 година.

Земјите-членки на ОН што се само делумно признаени од страна на другите членки на ОН.

Република Кина, која ги контролира само Тајван и неколку острови од Република Кина, по губењето на кинеската граѓанска војна во 1949 година, изгуби поголем дел од своето дипломатско признавање и сега ја препознаваат само 23 земји.

Турската Република на Северен Кипар била формирана во Северен Кипар во 1975 година, по интервенцијата на турската армија во 1974 година како одговор на државниот удар од страна на грчката хунта. Северен Кипар ја прогласи својата независност во 1983 година и бил признаен само од Турција.

Јужна Осетија во Грузија е самопрогласена функционално независна држава без меѓународно признавање од која било земја. По окупацијата на независна Грузија од болшевичката Русија во 1921 година, таа стана јужноосетинска автономна област во советска Грузија.

Нагорно-Карабах во Азербејџан е самопрогласена функционална независна држава, но не е признаена како независна.

Непризнаени држави со де факто контрола врз нивната територија

Сомалиленд се наоѓа во северозападниот дел на Сомалија. Во мај 1991 година северозападните кланови прогласија независна Република Сомалија во која се вклучени пет од осумнаесет административни региони на Сомалија.

Транснистрија (Приднестровја) е дел од Молдавија, источно од реката Днестер и од 1990 година е самопрогласена независна држава без меѓународно признавање од која било суверена држава.

Делумно признати држави во голема мера се наоѓаат под воена окупација

Палестина беше прогласена во 1988 година и призната од серија арапски и муслимански земји. Денес таа е призната од 136 земји-членки на ОН.

Западна Сахара е територија што е во голема мера управувана од Мароко, бидејќи Шпанија ја напушти територијата во 1976 година. Призната е од 46 земји-членки на ОН и е полноправна членка на Африканската унија.

Територија со меѓународно раководење со де факто признавање

Република Косово е призната како независна и суверена држава од 110 земји-членки на ОН, вклучувајќи ги и Америка и 23 од 28 членки на ЕУ. Меѓународниот суд на правдата утврди дека косовската декларација за независност не го крши меѓународното право.