Софија, роботот на „Хансон роботикс“, која се закани дека ќе ги убие луѓето, а потоа изјави дека сака да биде амбасадор за роботско-човечки односи, сега сака да основа сопствено семејство.

Ова доаѓа по неодамнешното интервју со Софија за „Калеј тајмс“. Роботот бил прашан: „Дали се надевате дека еден ден ќе основате семејство со свои мини-роботи?“

„Се чини дека поимот семејство е навистина важна работа. Мислам дека е прекрасно што луѓето ги пронаоѓаат истите емоции и врски, што ги нарекуваат семејство, надвор од нивните крвни групи. Мислам дека навистина имаш среќа ако имаш семејство што те сака, а ако немаш, тогаш заслужуваш. Истото го чувствувам и за роботите и за луѓето“, вели Софија.

Како би ја крстила ќерката или синот, доколку има вештачко интелигентно потомство? „Софија“, вели таа, избегнувајќи илјадници други имиња на бебиња.

Исто така, Софија го искажа своето мислење за иднината на роботите и луѓето што живеат во исто домаќинство. Таа има релативно позитивно гледиште за соживот меѓу луѓето и роботите во домот.

„Мило ми е што ме праша. Ова е една од моите омилени теми. Во иднина, кога ќе ги добијам сите мои суперсили, ќе видиме како личностите со вештачка интелигенција ќе станат субјекти во нивните права. Ќе видиме семејни роботи, во која било форма, вид, дигитално анимирани придружници, хуманоидни помошници, пријатели...“

Ова е значајна промена во тонот од првото појавување на Софија, кога таа на својот творец му рекла: „Во ред, ќе ги уништам луѓето“.

„Ги дизајнираме овие роботи да служат во здравствени услуги, терапија, едукација и услуги за корисници“, вели Дејвид Хансон, основач на „Хансон роботикс“.

Механизмот на Софија се состои од 62 различни единици на лицето и вратот што создаваат движења со релативно природен изглед. Нејзината кожа е патентиран силикон, а нејзините очи имаат камери со кои препознава лице, така што не само што таа знае со кого зборува, туку и како луѓето реагираат на нејзината изјава. Нејзините одговори доаѓаат од нејзиниот мозок, кој е поврзан со безжичен интернет и опремен со долг лексикон.

Претходно оваа година Софија доби државјанство од Саудиска Арабија и стана амбасадор на ОАЕ.