Кина важи за земја со многу природни убавини и архитектонски чуда што ги создал човекот. Сепак, автопатот Хепу-Напо, кој се протега низ југозападниот регион Гуангси, навистина е посебен.

Бетонската конструкција претставува силен контраст на густите шуми и ридови што ја опкружуваат, создавајќи волшебна глетка што го одзема здивот.

Светските медиуми дури и го прогласија автопатот С60, во близината на границата со Виетнам, за еден од најубавите на светот.

Иако на фотографиите од воздух често е празен, автопатот е изграден со визија за иднината. Во најнаселената земја во светот живеат 1,3 милијарда жители, а дури 40 проценти од нив се во руралните подрачја.