„Епл“ веројатно ќе треба да размисли за развивање на суперкул апликации за патување низ времето ако очекува луѓето над 35 години масовно да ги користат нејзините футуристички слушалки.

Според новата анкета спроведена од компанијата „Харис пол“, повеќето луѓе претпочитаат да живеат во поедноставна ера пред сите да бидат опседнати со екраните и социјалните мрежи, а ова чувство е особено силно меѓу постарите милениумци и генерацијата Х.

На прашањето дали би сакале да се вратат во времето пред луѓето да имаат широк пристап до интернетот и паметните телефони, 77 отсто од Американците на возраст од 35 до 54 години изјавиле дека би сакале, што е највисоко од која било група.

Се разбира, Американците во таа демографска група можат јасно да се сетат како всушност изгледаше ерата пред интернетот, но дури и помладите испитаници кои не се сеќаваат на светот пред социјалните мрежи посочиле дека не би им пречело да се вратат на нашите аналогни корени: 63 отсто од 19 до 34-годишниците се согласиле со идејата, наспроти 37 отсто кои рекле не. Интересно е што бејби-бумерите биле помалку желни за враќање во времето, па така 60 отсто од луѓето над 55 години велат дека претпочитаат да се вратат во минатото.

Сепак, решителните 67 отсто од испитаниците се согласиле дека, ако им се даде избор, го претпочитаат светот каков што бил порано, наспроти 33 отсто кои изјавиле дека работите се сосема добри онакви какви што се.

Иако можеби повеќето луѓе сакаат да го откачат товарот на постојаното поврзување, 90 отсто изјавиле дека е важно да се има отворен ум за новите технологии, мислење што го имаат речиси сите демографски групи.

Сепак, луѓето дефинитивно се сомневаат во брзината и тапата сила со која ни се наметнуваат новите технологии. Нешто повеќе од половина рекле дека држењето чекор со новите технологии е напорно, а приближно истиот процент рекле дека веруваат дека технологијата повеќе ги подели луѓето отколку што ги обедини.

Овде, помладите испитаници го зазедоа најпесимистичкиот став, при што 57 отсто од луѓето под 35 години се согласуваат дека технологијата поделува, наспроти 43 отсто кои не се согласуваат со оваа изјава.

Нели е неверојатно тоа што голем дел од луѓето копнеат по „офлајн свет“?

Извор: Fastcompany.com
Фото: Pixabay