Американскиот претседател Доналд Трамп се сретна со неговиот руски колега Владимир Путин во главниот град на Финска, Хелсинки, со што се запишаа во долгата историја на разговори помеѓу американски и советски и руски лидери, во текот и по Студената војна.


Претседателот Кенеди се сретна со советскиот премиер Никита Хрушчов во Виена, во 1961 година. Главна тема на разговорите била кризата во Берлин и контролата над поделениот град. За Кенеди, ова била неочекувана непријателска средба во која се чувствувал инфериорен во однос на неговиот советски колега.


Во мај 1972 година претседателот Ричард Никсон и советскиот лидер Леонид Брежнев се сретнале во Москва на нивниот прв самит. Самитот бил знак за добри работни односи помеѓу двајцата лидери и историски договор што поставил граници на брзорастечките нуклеарни арсенали на двете сили.


Во ноември 1974 година, наследникот на Никсон, Џералд Форд, првпат се сретнал со Брежнев во рускиот град Владивосток. Односите помеѓу овие два претседатели биле топли и покрај екстремниот студ. Тие разговарале за фудбалот и американскиот фудбал, што и двајцата ги играле во нивната младост.

Форд носел палто од волк од Алјаска.


Форд и Брежнев повторно се сретнале наредната година во Хелсинки - првиот од неколкуте американско-руски самити што се одржале во финскиот главен град - за Конференцијата за безбедност и соработка во Европа.


Кон крајот на Студената војна, во декември 1987 година, претседателот Роналд Реган и советскиот лидер Михаил Горбачов се сретнале во Вашингтон, каде што двете држави уште еднаш се вклучиле во прашањето за контрола на нуклеарните резерви и тестирање.



Претседателот Џорџ Буш се сретнал со Горбачов седум пати. До третиот самит, кој се случил во Хелсинки во септември 1990 година, тие воспоставиле топол работен однос врз основа на неколкучасовни разговори, честопати без советници.

Буш се надевал дека ќе добие поддршка од Горбачов во справувањето со агресијата од страна на ирачкиот лидер Садам Хусеин, кој неколку недели претходно го нападнал Кувајт.


Претседателот Бил Клинтон се сретнал со рускиот лидер Борис Елцин во Хелсинки, во март 1997 година, за разговори што се сметаат за едни од најважните меѓу САД и Русија од крајот на Студената војна. Односите биле затегнати со експанзијата на НАТО на исток и вклучувањето на поранешните советски блокови.


Односите меѓу САД и Русија се влошија откако Путин стана претседател во 2000 година. Џорџ Буш, кој стана претседател на САД една година подоцна, се обиде да го придобие Путин, но нивните односи полека се влошиле во периодот кога Буш беше на власт.

- Мислам дека Путин повеќе не е демократ - изјави тој во посета на премиерот на Словенија во 2006 година.

Кога Барак Обама стана претседател на САД во 2009 година, тој се обиде со нова стратегија за придобивање на Русија. Рускиот лидер се повлече настрана за да се придржи кон руското правило за претседателскиот рок, а на негово место го постави Дмитри Медведев.


Ресетирањето беше еднакво ефективно како копчето. Русија подоцна остро ги отфрли барањата на САД за екстрадиција на „свиркачот“ Едвард Сноуден. Обама го откажал патувањето во Москва и се дистанцирал од Путин.

Потоа во 2014 година Русија го анектирала Крим, првпат кршејќи го Хелсиншкиот договор потпишан од Форд и Бержнев во 1975 година, навлегувајќи во меѓународните санкции. Претседателот Обама го критикуваше Путин, но јасно стави до знаење дека нема намера да влезе во каков било конфликт.


Сега и Доналд Трамп се обидува да ги обнови односите со Русија.

Лидерите на САД и на Русија денеска го отворија историскиот самит во Хелсинки, при што Доналд Трамп вети „извонредни односи“, а Владимир Путин истакна дека е крајно време за посветување на споровите во целиот свет.

На почетокот на самитот Трамп рече дека смета оти „светот сака да ги види заедно“. Тој уште порача дека двете земји имаат „големи можности“, но дека не се согласувале во изминатите неколку години и нагласи дека Русија и САД можат да имаат „извонредна врска“. Трамп најави дека на агендата на денешните разговори ќе се најдат трговијата, војската, проектилите, нуклеарното оружје и Кина, вклучувајќи го и нивниот „заеднички пријател“ Си Ѓинпинг од Кина. Тој не ја спомена темата мешањето на Русија во американските избори.