Алберт Ајнштајн е познат како еден од најголемите гении на човештвото токму поради неговите иновации во физиката. Но, неговата слава се прошири многу подалеку од областа на физиката бидејќи тој играл главна улога во политиката, медиумите, па дури и во секојдневието. Од неговите писма со оние со кои комуницирал, како и неговиот личен живот воопшто, може да се извлече фасцинантен збир на правила за живот. Еве некои од неговите најдобри лекции.

Правило број 1: Трошете ги вашите напори на работи што се важни

Кога ќе помислите на изгледот на Ајнштајн, на ум ви паѓа зборот „разбушавен“. Неговата обрасната, неисчешлана коса, чевли без чорапи и неуредниот изглед воопшто не му пречеле на Ајнштајн, кој во неговите подоцнежни години носел нешто што може да се смета за униформа: сив костим со кожена јакна, се разбира, чевли без чорапи.

Оваа идеја за носење едноставна, но функционална облека што му ги олеснува работите на оној што ја носи стана позната во последниве години поради технолошки претприемачи кои имаат свој стил: Стив Џобс и неговите сини фармерки и црна ролка, Џеф Безос со сините фармерки со монохроматска кошула со кратки ракави, Марк Закерберг со сините фармерки и обичните маици и многу други.

Ако треба да носите многу одлуки секој ден или имате работа која од вас бара голем ментален напор, намалувањето на целокупниот ментален товар е од огромно значење. Тоа е начин да ги заштедите вашите напори и да ги ставите онаму каде што се најпотребни.

Правило број 2: Правете работи што ги сакате, дури и ако сте ужасни во нив

Додека многу од страстите на Ајнштајн се проширија многу подалеку од физиката - вклучувајќи ја и љубовта кон печива и склоноста кон свирење на виолина - можеби онаа во која најмногу уживал била едрењето. Како што напишал Ајнштајн: „Крстосувањето по морето е одлична можност за максимална смиреност и размислување за идеите од поинаква перспектива“. Неговата втора сопруга (и братучетка) Елса, додала: „Нема друго место каде што мојот сопруг е толку опуштен, сладок, спокоен и одвоен од рутинските одвлекувања; бродот го носи далеку“. Со фокусирање на нешто вообичаено, умот на Ајнштајн бил слободен да талка, честопати доведувајќи го до возбудливи нови идеи.

Но, тој бил целосно неспособен во едрење и бил невнимателен. Често го губел правецот, претставувал опасност за себе и за другите, одбивал да носи елек за спасување и покрај тоа што не знаел да плива. Но, спокојот што го доживувал додека пловел бил неспоредлив, давајќи му ментална слобода кон која сите треба да се стремиме.

Правило број 3: Размислувајте за проблемите како да решавате загатки

Размислувајте за проблемите со кои се соочуваме и како поединци и колективно како цивилизација. Тие можат да бидат финансиски, еколошки, здравствени, политички итн. Дали ги гледате овие проблеми како кризи? Ако го правите тоа, веројатно сте очајни. Но, ако ги гледате како загатки, ќе бидете склони да размислувате за нов пристап за нивно решавање. Во овој поглед Ајнштајн бил речиси прототип на поединец за некој што ја гледал секоја тешкотија со која се соочувал како загатка што треба да се реши: во физиката и пошироко.

Правило број 4: Размислувајте длабоко, долго и напорно за работите што навистина ве фасцинираат

Во текот на животот Ајнштајн добил многу писма: од оние што добро го познавале, но и од непознати. Кога едно такво писмо пристигнало на бирото на Ајнштајн во 1946 година, во кое човек прашувал што треба да направи со својот живот, одговорот бил исто толку остроумен колку и сочувствителен.

- Главната работа е ова. Ако наидеш на прашање што навистина те интересира, држи се до него со години и никогаш не обидувај се да се задоволиш со решавање површни проблеми кои ветуваат релативно лесен успех - напишал Ајнштајн.

Правило број 5: Не дозволувајте политиката да ве исполни ниту со бес ниту со очај

Сигурно многумина од вас имале пријател, познајник или странец што изјавил нешто што нè налутило? Иако тоа би можело да ја исполни нашата примитивна потреба да кажеме што имаме на ум, колку често таквиот одговор бил ефикасен во постигнување на некоја од нашите цели?

Правило број 6: Слепата послушност кон авторитетот е најголемиот непријател на вистината

Многумина од нас кога ќе слушнат нешто за кое се сигурни дека е апсурдно, погрешно или корумпирано, веднаш одлучуваат да се спротивстават. Откако ќе ги напуштиме нашите способности за критичко размислување затоа што сме сигурни дека го знаеме одговорот, ние едноставно ќе одиме заедно со оние што се согласуваат со нас и ќе им се спротивставиме на оние што се залагаат за нешто различно. За Ајнштајн, ова претставувало „колективно лудило“ или „ум на стадото“. Денес, веројатно би го нарекле групно размислување.


Во ерата на лажни вести, оваа лекција е поважна од кога било.

Правило број 7: Науката, вистината и образованието се за секого, а не само за малкумина привилегирани

Ајнштајн често ја критикувал владата на САД, дури и по емигрирањето во 30-тите години и стекнувањето државјанство во 1940 година. Историјата на ропството и тековната сегрегација и расизам, влијаеле кај него на ист начин како антисемитизмот: фундаментално дехуманизирачко бидејќи било неосновано. ФБИ отворило досие за Ајнштајн во 1932 година и се проширило на повеќе од 1.400 страници до моментот кога тој починал во 1955 година, а антирасистичките акции на Ајнштајн биле оценети како фундаментално неамерикански од многумина (вклучувајќи го и сенаторот Џозеф Мекарти), но Ајнштајн не попуштил.

Во денешно време можеме да бидеме сигурни дека Ајнштајн ќе настојуваше науката, вистината и образованието да бидат достапни за секого. Иако одредени физички својства може да се релативни, како просторот и времето, радостите, знаењето и вистините откриени од науката не припаѓаат на ниту една раса, нација или фракција, туку на целото човештво.

Извор: Bigthink.com
Фото: Wikipedia