Правилното изведување на стомачните вежби не е едноставно, па бројот на повторувања што една личност може да ги направи за една минута значително варира во зависност од возраста, општото здравје и подвижноста.

Во последно време стомачните станаа тема на многу дискусии бидејќи некои тврдат дека се клучни за зајакнување на торзото, додека други сметаат дека поради оптоварувањето на ’рбетот, може да доведат до повреди. Секако дека постои ризик, особено ако вежбата се изведува неправилно, а многу луѓе токму тука грешат.

Експертите советуваат стомачните да се изведуваат на рамна, цврста подлога, без виткање на ’рбетот или претерано оптоварување на вратот. Движењето треба да го носат стомачните мускули, а не грбот, за да се намали ризикот од повреда.

Стомачни според возраста

Тинејџери - Кај тинејџерите што се физички активни, од 25 до 30 стомачни во една минута се сметаат за добро ниво на издржливост. Постојат разлики во зависност од тренингот и телесната градба. Најважно е да се усвои правилна техника и балансирана сила на торзото наместо да се форсира голем број повторувања.

20 години - Ова е период на врвни физички способности. Луѓето што редовно вежбаат можат да направат околу 35 стомачни во минута. Иако некои ќе направат помал број, тоа не значи здравствен проблем. Во оваа фаза се препорачува создавање на навиките за вежбање, со комбинација од сила, торзо и кардиоваскуларен тренинг.

30 и 40 години - Во овој период често се забележува намалување на мускулната маса, особено кај луѓе со седентарна работа. Сепак, здрави лица можат да направат од 20 до 30 стомачни во минута. Важно е да се одржува силата на торзото за здрав ’рбет и намален ризик од хронични болки во долниот дел на грбот.

50 години - Со возраста се јавува губење на мускулна маса (саркопенија), особено ако нема тренинг за сила. Затоа бројот обично се намалува на 12 до 20 стомачни во минута. Редовното вежбање останува клучно.

По 60 година - Фокусот се префрла на функционална сила и превенција од повреди. Здрави постари лица можат да направат од 8 до 15 стомачни во минута. Доколку има болки во вратот или грбот, се препорачува да се избегнува оваа вежба.

Што е важно?

Сузан Вајли нагласува дека бројот на стомачни е помалку важен од состојбата на мускулно-скелетниот систем и нивото на физичка активност.

Стомачните ја мерат издржливоста на стомачните мускули и колковите, но не даваат целосна слика за физичката форма или долгорочното здравје. Во медицинската практика поголемо значење имаат функционалната сила, подвижноста, рамнотежата и кардиоваскуларната кондиција како показатели за здраво стареење.

Сепак, издржливоста на стомачните мускули може да послужи како едноставен показател за силата на торзото, која е важна за поддршка на ’рбетот, правилно држење и намалување на ризикот од болки и повреди на грбот.

Извор: Klix.ba
Фото: Freepik