Сите сакаме да ја знаеме тајната за долговечноста, но останува прашањето колку долго може да живее човекот? Ново истражување од биотехнолошката компанија „Геро“ од Сингапур анализира како човечкото тело се справува со болести, несреќи и сè што му предизвикува стрес.

Оваа отпорност се намалува со староста бидејќи на 80-годишниците им треба трипати подолго време да заздрават од несреќа или здравствен проблем отколку на 40-годишниците. Според новото истражување, по одреден период телото ја губи способноста за заздравување и целосно би ја изгубило отпорноста на возраст помеѓу 120 и 150 години.


Истражувачите стигнале до овој заклучок анализирајќи податоци од големи групи жители на САД, Велика Британија и Русија. Со следење на бројот на чекори што ги прават жителите и бројот на крвни клетки во нивната крв, истражувачите забележале дека на луѓето им треба подолго време да заздрават од каква било повреда или проблем како што старееле.

Според истражувачите, отпорноста на телото на човекот почнува да се намалува значително во периодот од средината на 30-тите до средината на 40-тите години, а таа целосно би исчезнала пред 150-годишна возраст.

Претходно, истражување покажало дека максималната возраст до која би можел да живее човекот е 138 години. Ова покажува дека дури и најефективните третмани за болести поврзани со староста може да го подобрат животот со просечен век, но не и максимален, изјавил Андреј Гудков, еден од авторите на истражувањето.

Автор: Ерик Мек
Извор: cnet.com