Швеѓаните навистина се држат до своите ритуали. Паузата за кафе, која ја нарекуваат „фика“, обично е придружена со нешто благо, на пример, колаче со цимет, и често служи за ресетирање од работата.

И додека фика може да се практикува секој ден, среда е ден за „мала сабота“, односно забава со пијачка за да се „преполови неделата“, за побрзо да помине чекањето на викендот.

Во четврток прават палачинки, а во петок?

Во последните 30 години петок е ден на тортиљата. Удобниот петок или „фредагсмис“ е синоним за ритуалниот крај на работната недела на каучот со убав оброк. Ако тортиљите не се во игра, тогаш наместо нив може плескавица или пица - важно е да предизвика среќа, топлина и (најчесто) калории.

Наместо останување до подоцна на работа во петок, или долги ноќни излегувања, крајот на работната недела во Шведска се означува со серија или филм, дружење со пријателите или семејството.

98 отсто од Швеѓаните уживаат во овој петочен ритуал барем еднаш месечно и претпочитаат „фредагсмис“ отколку одење во кино, театар, ноќни клубови, вежбање, готвење, па дури и секс. Ова може да биде изненадување за оние што се воодушевени од познатиот здрав начин на живот во Шведска, фокусиран на природата. Но, „фредагсмис“ стана длабоко вкоренет ритуал кој им овозможува на Швеѓаните неделно уживање, истовремено поддржувајќи ги силните семејни вредности на земјата и опседнатоста со рамнотежата помеѓу работата и животот.

Извор: BBC
Фото: Freepik