Ново истражување го оспорува верувањето дека агресијата произлегува од слабата самоконтрола. Наместо тоа, истражувањето посочува дека агресијата често е намерен, контролиран чин, нанесен за да се максимира одмаздата.
Ова откритие, базирано на метаанализата на повеќе психолошки и невролошки студии, е во спротивност со традиционалниот пристап за лекување насилни тенденции преку зајакнување на самоконтролата.
Тоа значи дека агресијата не е секогаш производ на слаба самоконтрола, туку наместо тоа, често може да биде производ на успешна самоконтрола со цел да се нанесе поголема одмазда.
- Луѓето го објаснуваат насилството како производ на слаба самоконтрола. Во жештината на моментот, често не успеваме да ги спречиме нашите најлоши, најагресивни импулси. Но, тоа е само едната страна на приказната - вели д-р Дејвид Честер, вонреден професор по социјална психологија.
Навистина, истражувањето на Честер покажа дека најагресивните луѓе немаат личности кои се карактеризираат со лоша самодисциплина и дека програмите за обука кои ја зголемуваат самоконтролата не се покажале ефикасни во намалувањето на насилните тенденции. Наместо тоа, студијата откри многу докази дека агресијата може да произлезе од успешна самоконтрола.
Фото: Freepik
- Одмаздољубивите луѓе имаат тенденција да покажат поголема предумисла за нивното однесување и самоконтрола, овозможувајќи им да го одложат задоволството на слатката одмазда и да одвојат време за да им нанесат максимална одмазда на оние што им згрешиле. Дури и психопатичните луѓе, кои го сочинуваат мнозинството што врши насилни престапи, често покажуваат силен развој на инхибиторна самоконтрола во текот на нивните тинејџерски години - вели Честер.
Агресивното однесување е поврзано со зголемена активност во префронталниот кортекс на мозокот, биолошки супстрат на самоконтрола, открива Честер. Наодите јасно покажуваат дека аргументот дека агресијата е првенствено производ на лошата самоконтрола е послаб отколку што се мислеше.
Наодите, исто така, предупредуваат за поголема претпазливост во спроведувањето третмани, терапии и интервенции кои се обидуваат да го намалат насилството преку подобрување на самоконтролатa.
- Многу интервенции се обидуваат да ги научат луѓето да ги инхибираат нивните импулси, но овој нов пристап кон агресијата сугерира дека иако ова може да ја намали агресијата кај некои луѓе, исто така е веројатно да ја зголеми агресијата кај други - вели тој.
Честер и неговиот тим планираат да продолжат да истражуваат околу агресијата и самоконтролата врз основа на наодите од истражувањето.
- Нашето истражување сега е водено од оваа нова промена на парадигмата во размислувањето: дека агресијата често е производ на софистицирани и сложени ментални процеси, а не само на неинхибирани импулси - вели тој.
Извор:
Neurosciencenews.com
Фото: Freepik