Патувањето во вселената е секогаш ризичен подвиг,кој бара многу вежбање, проби и тестирања. Затоа не е чудно што од првиот подвиг, во април 1961 година, до денес загинале 21 лице. Ако се земе предвид дека во наредниот период се планираат бројни мисии и комерцијални летови, но и сите околности и големиот ризик, се поставува прашањето: Што се случува со телото ако некој умре во вселената?

Сè зависи од местото и условите

Лекарот за вселенска и итна медицина, професор Емануел Уркета од колеџот „Бејлор“, пишува дека тој и неговиот тим од Преведувачкиот истражувачки институт за вселенско здравје преземаат бројни мерки на претпазливост за да се осигураат дека истражувачите на вселената се што е можно поподготвени за нивните мисии и детално опишуваат што се случува ако дојде до смрт во вселената.

Ако некој умре во мисија што се одвива во ниската орбита на Земјата, на пример на Меѓународната вселенска станица, екипажот би можел да го врати телото на Земјата во капсула за неколку часа. Но, доколку вакво нешто се случи на Месечината, екипажот би можел да го врати телото за неколку дена. НАСА веќе има детални протоколи за вакви настани.

Меѓутоа, работите стануваат уште покомплицирани ако тоа се случи на Марс, оддалечен 400 милиони километри. Телото може да се врати на Земјата веднаш по завршувањето на мисијата, или попрецизно, во опсег од неколку месеци до неколку години - во зависност од тоа кога настапила смртта.

Во меѓувреме, екипажот најверојатно ќе го чува телото во посебна комора или специјализирана торба за тело. Константна температура и влажност во вселенското летало теоретски би помогнале да се зачува телото. Меѓутоа, во овие случаи секогаш зборуваме за средина под притисок.

Ако астронаут отиде во вселената без специјално одело, веднаш ќе умре. Губењето на притисокот и изложеноста на вакуумот би го оневозможиле да дише, а крвта и другите телесни течности ќе му зовријат.

Дали е можен погреб?