Во Јужна Кина бил пронајден сочуван ембрион од диносаурус во фосил од јајце стар од 66 до 72 милиони години. Ембрионот е нарекуван „бебето Јинглиан“ по музејот во кој се чувал фосилот, а бил најден во градот Ганџоу во провинцијата Џиангси.

Палеонтолози од Универзитетот во Бирмингем изјавиле дека ембрионот е од вид клунест диносаурус без заби од групата овираптосауруси. Овој вид диносауруси имале пердуви и живееле во Азија и во Северна Америка, а се наоѓале со различни клунови и во разни големини.

Ембрионот е еден од најкомплетните што досега се најдени. Откритието се покажува во истражување водено од палеонтологот Фајон Вајсум Ма од Универзитетот од Бирмингем.

- Интересно е да се види дека ембрионот на диносаурус и ембрионот од кокошка се поставени на сличен начин во јајцето, што можеби покажува слично однесување пред испилување - изјавила Вајсум Ма.


Јајцето било случајно пронајдено помеѓу повеќе фосили од јајца на диносауруси чувани во музејот за време на градежни работи, а по неговото снимање било откриено дека во јајцето има ембрион.

Извор: Daily Mail