Понекогаш сакам да речам „баш ми е гајле“. Само сакам да се одморам. Имаме право на тоа. Според големиот Чарлс Буковски, три или четири дена во кревет може да се правилното нешто за човек да се освежи кога духот му е на ниско ниво и кога не му се полни батериите за да се бунтува против културата што се обидува да го исцеди човекот со работа. На почетокот на ерата на дерегулацијата и доминација на понудата, Буковски ги виде опасностите на работата од 9 до 17, која никогаш не е 9 до 17, во брутално искрено писмо до неговиот издавач Џон Мартин.

Рецептот на Буковски за депресија предизвикана од современиот живот е: сон, потребен како што е потребна храната или водата. Сонот го одвраќал од морбидното размислување.

- Спиењето на дождот ми помага да заборавам на некои работи, на пример, на тоа дека ќе умрам и дека ти ќе умреш и дека мачките ќе умрат - вели Буковски.

- Едноставно одам во кревет три дена и четири ноќи и ги спуштам завесите. Станувам. Одам во веце. Пијам пиво повремено и се враќам в кревет. Станувам целосно просветлен и таков сум 2 до 3 месеци. Од тоа добивам сила.

Мислам дека еден ден ќе речат дека овој психотичен човек знаел нешто што луѓето ќе го дознаат многу подоцна. Сите треба да си легнат и да се исклучат три или четири дена. Ќе станат освежени - вели Буковски.

Дали можете да си дозволите три-четири дена лежење во кревет? Веројатно не. Но, можеби пред нас се похумани денови, како што предвидел Буковски во ретките моменти на оптимизам, кога работата буквално нема да нѐ убие, кога медицинската наука ќе ни даде дозвола за земање одмор за спиење.