Бронхопулмоналната дисплазија (БДП) е хронично белодробно заболување кое настанува поради нарушен пулмонален и васкуларен развој. Ги афектира предвремено родените бебиња со ниска родилна тежина, особено оние под 1.000 грама. Бронхопулмоналната дисплазија е воедно најчестата причина за смртност, поради респираторна причина кај овие деца. БПД предизвикува респираторни и кардиоваскуларни проблеми во првите две години од животот, потоа одложување на невролошкиот развој, како и заостанување во растот, вели д-р Јорданка Маџоска од клиничката болница „Жан Митрев“.