Во овој момент Земјата и сите други планети во нашиот Сончев Систем се движат околу Сонцето со неразбирливи брзини.
Научникот Џејмс О’Доног е во мисија да им помогне на луѓето да го визуализираат тоа движење. О'Доног, кој работи за Јапонската агенција за вселенско истражување, го користи своето слободно време за да ја прикаже сложената физика на нашиот Сончев Систем во многу едноставни анимации.
Две негови видеа прикажуваат колку брзо секоја планета патува. Визуализациите откриваат дека планетите блиску до Сонцето се движат низ вселената со неверојатна брзина. За споредба, се чини дека подалечните планети се движат со побавно темпо. Тоа е затоа што објектите поблиску до Сонцето треба да се движат побрзо, за нивната гравитација да не ги повлече во огнена смрт.
- Сите објекти што ги гледаме во стабилни орбити околу Сонцето се таму бидејќи орбитираат доволно брзо за да избегаат од неговата гравитациона сила. Ако не беа доволно брзи, немаше да избегаат. Накратко, планетите што ги гледаме денес се преживеани - вели тој.
Првото видео ја покажува брзината на секоја планета на нејзиниот пат околу Сонцето. Меркур, која е најблиску до Сонцето, патува речиси 50 километри во секунда по својот пат. Нептун можеби изгледа дека се движи побавно, но поминува 4 километри во секоја секунда. Тоа е околу шест пати побрзо од куршумот.
Второто видео ги покажува орбитите на планетите. Меркур орбитира околу Сонцето неколку пати секоја земска година. Но, на Нептун му се потребни речиси 164 земски години за да го заврши своето патување околу нашата ѕвезда.
Фото:
NASA