Виновникот е пластиката што ги држи капачињата прикачени на шишињата. Новиот дизајн го има на сите безалкохолни шишиња.

Еден интернет-корисник на социјалните мрежи на шега го означи овој развој како најлошото нешто што му се случило на човештвото по отстранувањето на приклучокот за слушалки на паметните телефони.

Дизајнот на капачињата може да се следи наназад до Директивата на Европската Унија предложена во 2018 година, а потоа официјално усвоена следната година, со одреден рок: од 3 јули 2024 година капачиња на сите неповратни пластични шишиња за пијалаци со капацитет од три литри или помалку мора да бидат прицврстени за шишето.

Целта не беше да се разбеснат жедните Европејци, туку справување со сериозен проблем - пластичниот отпад.

Се проценува дека секоја година во светот произведуваме околу 400 милиони тони работи. Пластиката се распаѓа на мали честички, но никогаш не исчезнува целосно. Оваа микропластика може да ѝ наштети на животната средина, загадувајќи ги океаните и почвата, а исто така може да навлезе во човечкото тело. Она што може да изгледа како иритирачка промена има многу повеќе смисла кога ќе почнете да го разгледувате влијанието на нашите навики кога станува збор за шишињата. Кога капачињата се „одврзани“ од шишињата, тие често паѓаат или се губат, потенцијално се однесени од ветрот или од дождот во одводи или реки што се влеваат во морето. Имено, капачињата се еден од најчестите облици на пластичен отпад кој се наоѓа на европските плажи. Дури и ако стигнат до корпата за рециклирање, а потоа до фабриката за преработка, проблемот е во нивната големина.

- Генерално, секој предмет помал од пет сантиметри во која било димензија е изложен на ризик да се изгуби за време на овој процес на инспекција - објаснува Рос Лахдари, експерт за одржлива економија во фирмата „Пи-еј консалтинг“.

Животните ги сметаат капачињата за храна

За жал, животните често ги мешаат капачињата со храна, па не е ни чудно што невладината организација „Сис ет риск“ ги вклучи пластичните капачиња меѓу петте најштетни видови ѓубре од океанот.

Откако беше воведена Директивата, производителите на пијалаци полека почнаа да ја воведуваат промената за да го исполнат рокот до 2024 година. Значи, овие шишиња не се појавија на нашите полици преку ноќ.

„Кока-Кола“ почна да ги продава во Европа во 2022 година, така што тие постепено стануваа сѐ поприсутни. Земјите можат сами да одлучуваат за своите „ефективни, пропорционални“ казни за оние што ги прекршуваат правилата.

Извор: 6yka.com
Фото: Freepik