Зоолошка градина во Англија сака да го спречи вознемирувањето на посетителите од страна на галебите, па вработува лице кое ќе носи голем костим на птица и ќе ги плаши галебите.

Зоолошката градина „Блекпул“ објавила оглас за вработување лице кое ќе ги брка галебите.

- Се подразбира дека ние во зоолошката градина „Блекпул“ ги сакаме сите животни! И како крајбрежно место, имаме галеби. Меѓутоа, галебите може да вознемируваат бидејќи се обидуваат да украдат храна од нашите посетители и од живеалиштата за животните - напишале од зоолошката градина.

Според огласот, главните обврски на новиот вработен ќе бидат да ги брка галебите од местата за јадење на посетителите и животните, но и интеракција со посетителите.

Извор: Insider
Насловна фотографија: Pixabay