Астрономите открија егзопланета наречена „ХД 219134 б“, која е 21 светлосна година оддалечена од Сончевиот Систем и се наоѓа во соѕвездието Касиопеја.

Новата планета има сјај на рубини и сафири.

„Планетата од рубини“ е светкава планета чија маса е петпати поголема од Земјата, а околу матичната ѕвезда кружи толку брзо што ја заобиколува за три деноноќија.

Нејзиното емитирање на црвена и сина боја е предизвикано од оксид алуминиум, кој го има многу на новооткриената планета.

Астрофизичарите од Универзитетот во Цирих и од Кембриџ работат на студија во која трагаат по нови видови егзопланети, а „ХД 219134 б“ е еден од трите најдобри кандидати.

Егзопланетите настануваат од диск прашина и гасови околу протоѕвездите. На оддалеченост од центарот на таквите системи настануваат таканаречените гасовити џинови, додека во близина на својата ѕвезда настануваат карпести планети.