Манипулаторите имаат моќ да владеат со вас кога ќе почнете да ги преиспитувате сопствените мисли, чувства и уверенија. За да ги забележите навреме, ова се најчестите фрази што ги користат манипулаторите за да ги контролираат другите.

„Не ме разбра“

На сите ни се случува понекогаш погрешно да разбереме нешто, но манипулаторот намерно ќе ве обвини и ќе ви зборува дека не сте разбрале добро што сака да ви каже, иако тоа можеби не е точно. На тој начин тие прават да се чувствувате несигурни и да се сомневате во себе, со што ја преземаат контролата над она што го мислите, зборувате и верувате.

„Премногу драматизираш“

Манипулаторите многу често ја користат оваа или слични фрази. Кога манипулаторот ве означува како личност која премногу драматизира, оневозможува да ги изразите сопствените чувства и да го кажете тоа што го мислите. Секогаш кога ќе сакате да споделите проблем, ќе ви каже дека претерувате.


Набргу ќе почнете да ги задржувате работите за себе, а манипулаторот ќе може да зборува што било бидејќи ќе сакате да одбегнете конфликт. Со тоа манипулаторот може да управува со вас.

„Ти требам“

Крајната цел на манипулаторот е целосната контрола. Овие луѓе сакаат да мислите дека без нив не може да функционирате. Доколку почнете да верувате во тоа, тие целосно ќе ве контролираат.

„Ти си...“

... љубоморна, зајадлива, параноична и слично. На тој начин манипулаторот создава чувство на сомневање во сопствените одлуки и постапки кај жртвите. Доколку манипулаторот постојано го повторува истото, жртвата на крај ќе почне и да верува во тоа.

Извор: Dnevnik