Како се учи и студира денес во место без корона, не земајте „клексан“ или „фраксипарин“ без препорака од специјалист, научникот Томче Рунчевски од Ресен, кој денес ја истражува Титан – месечината на планетата Сатурн, ја раскажува својата приказна „По скалилатата на успехот“. Како тече наставата во средните училишта, матурантите одбиваат да полагаат матура, а надлежните велат – ќе се полага во јуни, дали аерозагадувањето влијае врз ширењето на коронавирусот, интервју со нашиот познат тенот Благој Нацоски. Ова се темите што ги истражувавме неделава.


Недисциплинираните ученици во училница се недисциплинирани и на онлајн-настава. Средношколците се во фаза кога им се случуваат многу промени, тие се на премин од еден во друг стадиум во животот. Се запишуваат како деца, а од училиштето заминуваат како возрасни млади луѓе. Како се однесуваат додека траат часовите? Умеат ли нивните професори да воспостават контрола на онлајн-часот? Истекува вториот месец откако почна наставата на далечина наместо во училиштата со цел да се спречи ширењето на Ковид-19. Ова значеше почеток на целосно нов начин на работа за професорите, за учениците и за другите вработени во основното и во средното образование.
Светски познатиот македонски пијанист, човекот кој ги освојува срцата на публиката со својата виртуозност, топлина и извонредна музикалност - Симон Трпчевски по подолго време повторно настапи пред македонската публика, заедно со неговите пријатели, врвни македонски уметници: Влатко Нушев, Илинка Велкова, Александар Стојчески, Владимир Крстев, Паскал Краповски, Гонца Богоромова, Иван Наумовски, Милена Арсовска и Шкељзен Бафтијари. Трпчески настапи на 43. Денови на македонска музика, а изведе дела од Гоце Коларовски, Борјан Цанев, Димитрије Бужаровски, Панде Шахов, Александра Наумоски-Потиск, Томислав Зографски, Томе Манчев, Стојан Стојков, Фатос Лумани, Дарија Андовска и Александар Лековски.



„Утре можеби нема да дојде“ е насловот на колумната од Мирослав Пендаровски, психолог i универзитетски професор. Никогаш не е доцна, само додека свесноста сè уште ја пече душата нагонувајќи ја да го рече тоа што сече сè додека не го пуштиме да тече... Макар и во инаква форма... Важна е содржината... Кога таа постои, ќе се најде форма што ќе ја изнесе на виделина!



Не земајте „клексан“ или „фраксипарин“ без препорака од специјалист. Битно е и за здравјето и за повратот на пари! Цената за една доза од оваа терапија се движи од 180 до 260 денари, неретко се дозираат по 2 дози дневно, а лекувањето може да трае и подолго од 10 дена. Здравствените власти апелираат граѓаните заболени од Kовид-19 да не земаат лекови против згрутчување на крвта, какви што се „клексан“ (еноксапарин) или „фраксипарин“ (надропарин) без препорака од специјалист, бидејќи ако не им се следи соодветно состојбата, овие лекови може да предизвикаат дополнително влошување на здравствената состојба. Исто така, за Фондот за здравствено осигурување да им врати пари на осигурениците за овие лекови, кои мора сами да ги платат во аптека, треба да имаат специјалистички извештај.

Кристијан Василески е магистер по геодезија, но има една невообичаена пасија – собирање лименки од познатиот енергетски пијалак „Monster“. Можеби тоа не изгледа толку тешко или невообичаено, но кога ќе слушнете колку време му било потребно за да ги собере речиси 100. лименки што сега ги поседува, од каде ги купувал, колку го чинеле и за колку пари може да ги продаде, веројатно ќе го смените мислењето. Кристијан почнал да ги собира лименките на 17-годишна возраст, кога овие енергетски пијалаци уште ги немаше во нашата земја. Колку вреди колекцијата на Кристијан од Скопје?