Доколку ви е потребен нов лаптоп, ова е, навистина, одличен период да инвестирате во нов модел бидејќи за Black Friday онлајн продавниците нудат лаптопи на попуст и имаат одлични акции, кои ретко ги има во текот на годината.

Важно е да знаете дека при купувањето лаптоп не треба да го барате само најскапиот и најнов модел бидејќи голема е веројатноста дека тој модел воопшто не ви е потребен. Пред да почнете да го барате совршениот лаптоп, треба точно да знаете за што ќе го користите и какви перформанси ви се реално потребни.

Ако сакате да ја играте најновата верзија на GTA, тогаш ви е потребен модел што има брз процесор и одлична графичка карта, но доколку барате лаптоп на кој нема да работите со програми и апликации што бараат високи перформанси, можете за многу пониска цена да дојдете до одличен модел.

Лаптоп за сурфање

Доколку ви е потребен лаптоп за сурфање на интернет, гледање филмови и за извршување некои основни задачи и не сте претерано загрижени за перформансите, тежината или траењето на батеријата, лесно ќе најдете голема понуда на модели со пристапни цени.


Гејминг лаптоп

Кога станува збор за гејминг, десктоп компјутерите тешко можат да се заменат, но доколку ви е важна преносливоста што ја нудат лаптопите, барајте лаптоп што има моќен процесор.

Одберете модел со процесор од најновата генерација и RAM од барем 16 GB. Доколку имате модел на лаптоп со осум гигабајти RAM, проверете ги опциите за надоградување.

За гејминг е потребно многу повеќе од стандарден лаптоп, па доколку сте подготвени да инвестирате во поскап модел, разгледајте ги моделите специјализирани за оваа намена.

Гејминг лаптопите се модели, чијашто главна намена е да се користат за играње игри. Уште на прв поглед можете да забележите дека овие лаптопи не се вообичаени модели, а тоа се забележува и по нивниот одличен дизајн.

Цените на овие модели се секогаш повисоки бидејќи во себе вклучуваат елементи што се моќни, односно брз процесор, одлична графичка карта, силна RAM, хард диск со голем капацитет и друго.

Преносливоста на лаптопот е една од главните карактеристики за да се одлучите за него. Токму затоа, кога избирате помеѓу HDD и SSD диск, одберете ја опцијата што ќе ви понуди флексибилност, односно SSD диск. Ако се одлучите за HDD, ќе мора лаптопот да го користите повеќе како статичен компјутер бидејќи неговите карактеристики не се толку флексибилни како другата опција. Многумина се одлучуваат за SSD дискови бидејќи за гејминг многу е важно играта да тече непрекинато и да има брзо вчитување, а токму тоа го нудат овие дискови.

Уште една работа што треба да ја земете предвид при изборот на гејмерски лаптоп е големината на екранот. Стандардната величина е 15 инчи, но одберете 17 или повеќе за да го почувствувате целокупното визуелно искуство при користењето. Стапката на освежување на сликата и времето на одговор се, исто така, исклучително важни. Овие два елемента се особено значајни за брзи и игри со акција каде што во дел од секундата може да одлучи дали сте успешни или не.

Лаптоп за деловно работење

Кога барате лаптоп за деловно работење во канцеларија, најважно е да одберете лаптоп што ќе ви овозможи ефикасно и беспрекорно извршување на задачите. Изберете лаптоп со моќен процесор, како Intel Core i5 или i7 и најмногу 16GB RAM, за да имате доволно брзина, заедно со SSD хард диск што ќе понуди брзо вчитување на апликациите.

Добро е да имате и квалитетен екран со висока резолуција што ќе придонесе за лесно гледање и проверување документи и графички материјали. Ако работите во динамична атмосфера и често имате состаноци, одлучете се за модел што е лесен, со тенок дизајн.

Заклучок

Периодов има големи попусти на технологија, кои треба да ги искористите доколку сакате да се подновите со лаптоп. Не фокусирајте се на најновите модели доколку буџетот е важна ставка при изборот, туку одберете лаптоп за своите потреби и за тоа што навистина планирате да работите.