Во Домот на културата во Валандово е поставена несекојдневна интересна изложба на одамна недопрени или заборавени книги, кои со децении ниту еднаш не биле позајмени од читателите на градската библиотека.

По избор на библиотекарите, изложени се дваесетина книги од разни жанрови, меѓу кои и оригиналното издание на епот „Одисеја“ кој, откако библиотеката го добила во 2008 година, ниту еднаш не стигнал во рацете на валандовските читатели.

- Една од причините поради кои можеби овие книги со децении останале недопрени е желбата на валандовчани да читаат полесна литература, односно бестселери и трилери кои се најпопуларни меѓу читателите - велат библиотекарите.

Изложените книги и натаму ќе стојат на рафтовите и ќе може да се позајмуваат доколку некој покаже интерес за нив.

Извор: МИА