Кога од американската асоцијација за медицина на спиењето било побарано да дадат „национален“ одговор за тоа колку сон му е потребен на еден човек. Затоа, тие препорачаа упатство од седум до девет часа во една ноќ. Но, поновите истражувања велат дека дури и седум часа се доволни за здравјето и ефикасноста на луѓето.

Неодамнешно истражување од „Femke Reutters“ направено врз 788 здрави мажи и жени на возраст од 30 и 60 години, го проучувало односот помеѓу инсулинот, потенцијалниот дијабетес и болестите на срцето, и секако сонот.

За мажите (но не и жените), спиењето повеќе од седум часа или помалку од седум часа ја намалува инсулинската чувствителност и други фактори поврзани со почетокот на дијабетес. Многу истражувања покажаа дека нарушувањето на спиењето или делумното нарушување ја нарушува гликозата во метаболизмот. Физиологијата на гликозата е од клучно значење за контрола на тежината, која е главниот извор на енергија во телото.

Ова не значи дека седум часа сон се се' што ви треба. Истражувањето измери индиректен показател за спиење, а не времето за спиење. Ако се обидете да отспиете седум часа за да видите дали ќе се чувствувате попродуктивни, веројатно ќе треба да поминете седум и пол или седум и три четвртини часа во кревет. Ефикасноста на спиењето - времето кога спиете поделено со времето поминато во креветот, постепено се намалува со возраста. Голем дел од физички здравите луѓе на возраст од 70 години имаат ефикасен сон од 85% или помалку.

Најдоброто време за спиење е ноќта. Луѓето најдобро функционираат во текот на денот. Нарушувањето на биолошкиот часовник го нарушува здравјето на луѓето. Нарушувањето на сонот може да го повреди здравјето на човекот, особено способноста да се регенерира себеси. Една честа адаптација што луѓето ја користат е дремката. Истражувањата покажуваат дека дремките кратки околу шест минути ја подобруваат будноста и продуктивноста, додека дремењето помеѓу 10 и 30 минути го прекинуваат ноќното спиење многу помалку отколку подолгите дремки.

Друга голема адаптација е користењето на техниката која може да ја подобри ефикасноста на спиењето, такашто ќе добиете колку што можете повеќе сон - за ова помага постудената, смирена, удобна средина. Пешачењето наутро, кога е светло исто така може да биде од корист. Постои нешто поврзано со утринската светлина кое го подобрува расположението, менталното размислување и нашата способност да спиеме - дел од ова веројатно е поврзано со тоа што светлината го ресетира нашиот биолошки часовник. Друг фактор е физичката активност и вежбањето. Луѓето кои се во форма обично имаат поголема ефикасност во спиењето. Исто така, тие имаат подлабок сон и РЕМ спиење, кои помагаат во учењето и телесната регенерација.

Заклучокот е дека потребите за сон се уникатно биолошки за секој човек. Некои од нас можат да поминат со само неколку часа сон, но овие луѓе се малцинство. Се чини дека националната препорака од седум часа спиење - не време поминато во кревет, туку спиење - може да биде корисно за возрасните кои сакаат да живеат подолго и кои не сакаат да станат дијабетичари или да имаат прекумерна тежина. Соодветната количина на сон значи дека поминувате доволно часа спиејќи, имате регуларен биолошки часовник и сте во одлична форма.

Она што го правите е она што ќе бидете. Спиењето е како храната. Ако си овозможите соодветна количина, најдобра за вашето тело, ќе функционирате одлично.