Индија може да забрани употреба на приватни возила во главниот град Њу Делхи ако загадувањето на воздухот, кое е на високи нивоа во последниве денови, се зголеми, изјави висок официјален претставник.

- Да се надеваме дека ситуацијата со загадувањето на воздухот во Њу Делхи нема да се влоши, но ако се покаже како итна ситуација, ќе мора да ја забраниме употребата на приватен транспорт - вели Бхуре Лал, претседател на Управата за контрола на загадувањето на животната средина (ЕПЦА).

  - Постои комисија која ќе ме советува за ова - рече тој.

ЕПЦА, назначена од индискиот Врховен суд, веќе предложи да се прекинат градежните работи во Њу Делхи, употребата на дизел-генератори, печки од цигли и согорувањето на ѓубрето помеѓу 1 и 10 ноември, кога се очекува да се зголеми нивото на загадување.

Извор: МИА