Повеќето од нас веројатно имаат воспоставено дневна рутина на пијалаци кои им помагаат за сѐ - од енергија и хидратација до едноставно уживање. Но, дали знаете дека овие избори можат да влијаат и врз тоа како стареете? Додека животниот век се однесува на тоа колку долго живеете, здравствениот век ги опишува годините што ги минувате во добро здравје, а и двете работи го заслужуваат вашето внимание.

Многу фактори влијаат врз процесот на стареење, вклучувајќи ги физичката активност, сонот, стресот и социјалните контакти. Покрај овие навики, и она што го пиете може да влијае врз тоа како стареете бидејќи пијалаците ви помагаат да останете хидрирани и нудат дополнителен извор на хранливи материи за поддршка на здравјето. Еве кои се најдобрите пијалаци за здраво стареење според нутриционистите.

Кафе

Вашето утринско кафе може да придонесе за здраво стареење. Истражување спроведено на повеќе од 47.000 жени открило поврзаност меѓу редовното пиење кафе и поголемата веројатност за здраво стареење. Причината може да бидат антиоксидансите и другите соединенија во кафето, кои помагаат да се намалат воспалителните процеси.

Единствено предупредување во врска со кафето е следново: пиењето кафе доцна во денот може да го наруши сонот, а сонот е од суштинско значење за здраво стареење.

Зелен чај

Зелениот чај е богат со антиоксиданси кои можат да го заштитат здравјето на клетките и да ги намалат воспаленијата поврзани со стареењето. Истражувањата укажуваат дека може да помогне во регулирањето на крвниот притисок и шеќерот во крвта. Пиењето 2 до 3 шолји дневно може да придонесе за здраво стареење.

Вода


Кравјо млеко

Млекото е едноставен начин да внесете калциум и протеини. Една чаша содржи околу 310 милиграми калциум, што е приближно една третина од препорачаниот дневен внес. Доволното количество калциум помага во зачувувањето на густината на коските, а истражувањата покажуваат дека пиењето млеко може малку да ја подобри густината на коските на колковите и 'рбетот. Здравите коски се особено важни со стареењето бидејќи нивното слабеење го зголемува ризикот од скршеници и губење на подвижноста и самостојноста.

Кефир

Кефирот е ферментиран млечен пијалак богат со протеини, калциум и пробиотици кои го поддржуваат здравјето на цревата. Истражувањата укажуваат дека може да придонесе за подобро метаболичко и кардиоваскуларно здравје, особено кај луѓето со прекумерна тежина и одредени метаболички нарушувања. Исто така, може да влијае врз цревната микробиота и да ги намали воспалителните процеси.

Можете да го додадете во смути наместо во млеко или други течности, со него да направите житарки или да го користите за подготовка на овесна каша и пудинг со чија. Чаша кефир со тост со путер од кикиритки е уште една добра опција за појадок.

Други совети за здраво стареење

Исхраната и пијалаците се само дел од грижата за здравјето. Важни се и секојдневните навики:

Негувајте ги социјалните контакти. Времето поминато со семејството, пријателите и заедницата придонесува за подобро здравје и поздраво стареење. Посилните социјални врски се поврзуваат и со помали воспаленија во организмот.

Научете да се справувате со стресот. Вежбите за дишење можат да помогнат во смирувањето и подобрувањето на расположението. Една од техниките вклучува две кратки вдишувања низ носот, проследени со едно долго издишување.

Вежбајте редовно. Вежбите со оптоварување помагаат во одржувањето на мускулите и силата, додека кардиоваскуларните вежби и пешачењето го поддржуваат здравјето на срцето, издржливоста и подвижноста.

Спијте доволно. Се препорачуваат од 7 до 9 часа квалитетен сон бидејќи и недоволното и прекумерното спиење се поврзуваат со поголем ризик од хронични заболувања.

Следете ги здравствените показатели. Редовно проверувајте го крвниот притисок и правете крвни анализи според препораките на лекарот. Следењето на холестеролот, шеќерот во крвта и нивото на витамини може да помогне навреме да се откријат отстапувањата и да се преземат соодветни мерки.

Извор: Eatingwell.com
Фото: Magnific