Американскиот технолошки гигант „Епл“ ќе треба да им плати отштета од 500 милиони долари на корисници, по обвиненијата дека компанијата ги правела постарите „ајфони“ побавни.

Според објавените документи на Окружниот суд на Сан Хозе, Калифорнија, САД, прелиминарната спогодба сè уште чека на одобрение од судијата.

Случајот почна во 2017 година кога корисниците почнаа со забелешки дека постарите батерии ги забавуваат нивните уреди, што потоа го наведоа како нешто што е надвор од првичниот договор со компанијата. Станува збор за моделите ајфон 6, 6-с и 7.