Прекршочни судови во Црна Гора минатата и оваа година казниле 168 родители што одбиле да ги вакцинираат своите деца, што е речиси трипати повеќе од периодот од 2013 до 2017 година.

Според податоци од судовите доставени до подгоричкиот весник „Вијести“, 140 родители се казнети парично, а 27 добиле опомена.

Поради одбивање на имунизацијата, родителите биле санкционирани со вкупно 14.560 евра, што значи дека главно добивале минимална законска казна.