Градовите на духови ги фасцинираат луѓето низ светот. Можеби поради мистеријата или можеби поради постапокалиптичната атмосфера што владее во градовите.
Орадур сир Глан е еден таков град. Овој град е споменик за Французите во Нормандија за злосторствата извршени во оваа земја од страна на нацистите. Денес, многу Американци, Британци и Канаѓани ја посетуваат Нормандија за да ги видат многуте спомен-локалитети поврзани со слетувањето на Денот Д, а Орадур сир Глан треба да биде задолжително место за посета.
Страшната приказна за слетувањата за време на Денот Д
Сојузниците упаднале на нормандиските плажи на 6 јуни 1944 година за да ги ослободат Франција и Европа од нацистите. Операцијата била еден од најзначајните денови на војната. Самата операција во голема мера го обликувала американското, британското и канадското сеќавање на Втората светска војна и успеала да засени многу други големи операции. Денес постојат многу музеи, споменици и воени гробишта во областа посветени токму на овој настан.
Но, четири дена по слетувањето, гневот на Германците кои во тоа време биле свесни дека ќе бидат поразени бил упатен кон невиниот народ на Франција.
Орадур сир Глан некогаш била просперитетна област. Денес, гратчето е напуштено и претставува моќен потсетник на она што се случило. Празните згради и улици во гратчето се доказ за ужасите на војната. Повеќе од 75 години тие се оставени да бидат потсетник на војната.
Орадур сир Глан било поспано гратче, но на 10 јуни 1944 година населението на пазарот Лимузен било масакрирано од околу 200 германски војници. Тоа било само едно од многуте злосторства нанесени на Франција за време на окупацијата. Гратчето било ограбено и запалено. Во масакрот биле убиени 643 цивили, вклучувајќи и 247 жени и 205 деца.
Кога војниците заминале, го оставиле градот во урнатини и со труповите на масакрираните жители. Никој не бил поштеден. По ослободувањето на Франција, слободниот француски воен лидер и претседател Шарл де Гол одлучил да го остави онакво какво што е, како спомен и потсетник на нацистичката суровост.
До ден-денес не постои објаснување зошто германските СС војници го направиле овој чин.