Меѓународните патувања доживуваат силно закрепнување по ковид-пандемијата, со околу 1,3 милијарди патувања регистрирани во 2023 година, што генерира околу 1,7 билиони долари во глобалните трошоци за туризам.
Враќањето на кинеските меѓународни патувања по укинувањето на владиниот карантин беше голем поттик за меѓународниот туризам минатата година.
Обединетите нации предвидуваат дека кинескиот туризам ќе продолжи да се зголемува оваа година со тоа што земјата ќе спроведе безвизно патување за граѓаните на Франција, Германија, Италија, Холандија, Шпанија и Малезија.
Графиконот во продолжение ги прикажува 10. најпосетувани градови за 2023 година, врз основа на вкупниот број меѓународни пристигнувања, според Индексот на топ-100 градски дестинации за 2023 година на „Јуромонитор“.
Фото: Visual Capitalist
Два града во Турција се најдоа на топ-10 листата: Истанбул, културниот и историски главен град на земјата и најнаселен град во Европа, и Анталија, живописен крајбрежен град на медитеранскиот брег, познат по своите прекрасни плажи и луксузни одморалишта.
Исто така, Турција беше петтата најпосетувана земја во 2023 година, со вкупно 55 милиони посетители.
Франција се најде на врвот на листата со 100 милиони меѓународни посетители, а бројките беа значително повисоки поради Олимпијадата во Париз оваа година. Париз беше петти најпосетуван град во 2023 година.
Фото: Visual Capitalist
Азиските градови како Хонгконг и Бангкок забележаа најголем раст на бројот на туристи од 2022 година, бидејќи беа последните земји што повторно се отворија по пандемијата. Хонгконг забележа неверојатен пораст на туристи од 2.495 отсто во 2023 година.
Канкун, една од најпопуларните туристички дестинации во Мексико, позната по своите плажи и луксузни одморалишта, беше единствениот град во Латинска Америка што влезе во првите 10. Во 2023 година меѓународниот аеродром во Канкун пречека 48 отсто од сите меѓународни патници во земјата.
Извор:
Visual Capitalist
Фото: Visual Capitalist