Во четвртокот Виена го претстави „трамвајот за вакцини“ како дел од кампањата за обезбедување бесплатни вакцини за грип на жителите.

- Целта е оваа година да се зголеми стапката на вакцини, па се надеваме дека ќе ги мотивираме жителите на Виена да ја примат вакцината - изјави градоначалникот Микаел Лудвиг. Трамвајот шест недели ќе ги вози граѓаните што закажале вакцинација.

Граѓаните и на други начини се повикани да дојдат во здравствените центри и во 600 лекарски ординации каде што ќе можат да се вакцинираат. Во Виена засега има околу 400.000 дози на вакцини, што би требало да покрие четвртина од населението.

- Целта на масовното вакцинирање против грипот е да се избегне оптоварувањето на болниците кои веќе се ангажирани со епидемијата на коронавирус, а не се знае што ќе се случува во текот на зимата - изјави Лудвиг.

Виена се надева дека повеќе жители ќе се вакцинираат за сезонски грип, а се охрабруваат да се регистрираат за место во посебниот трамвај познат како „Импф-бим“ или да се упатат кон еден од неколкуте здравствени центри или во која било од 600. лекарски ординации каде што се дава вакцината.

Трамвајот ќе се користи до 13 ноември.

- Сметаме дека оваа година можеме да имаме трикратно зголемување на стапката на вакцинација и се надеваме дека ќе мотивираме многу граѓани да се вакцинираат - изјави Лудвиг.

Случаите со коронавирус повторно растат во Европа, со над 10.000 дневно во Шпанија и во Франција. Во Австрија се регистрирани 48.896 случаи со 818 мртви случаи. Повеќе од половина од заразените се во Виена, речиси 4.500 активни случаи.