Данското кралско семејство неодамна објави дека четирите внуци на кралицата Маргарета ќе ги изгубат титулите принц и принцеза од 1 јануари 2023 година, наведувајќи дека тоа е во согласност со другите кралски куќи во Европа.

Овој потег се однесува на вториот син на кралицата, принцот Јоахим. Принцот Николај, принцот Хенрик и принцезата Атена следната година веќе нема да бидат принцови и принцези. Наместо тоа, ќе ги користат титулите гроф и грофица и од следната година нема да бидат нивно височество, туку нивна екселенција. Данските принцови не го поднесоа добро тоа, а главата на семејството, кралицата Маргарета, изјави дека одлуката е конечна и дека поради тоа ѝ е навистина жал.

Дали и Чарлс ќе го намали бројот на принцoви?

Со години се шпекулира за првите потези на кралот Чарлс III. Многу кралски експерти се прашуваат на кого мислеше данската кралица под „други кралски куќи во Европа“ кога објави дека го намалува бројот на активни членови на кралското семејство, а почнаа да се појавуваат тврдења дека таа мислела на британското кралско семејство.

Кралските писатели и експерти шпекулираат за можен договор меѓу Чарлс и неговата далечна роднина Маргарета за намалување на големината на кралското семејство, а некои веруваат дека потегот на данската кралица е идеална можност британскиот крал да види како данското кралско семејство ќе функционира со помалку членови.


Чарлс сè уште не ги прогласил Арчи и Лилибет за принц и принцеза

Иако според законот од 1917 година титулите им припаѓаат, новиот крал сè уште не ги прогласил децата на принцот Хари за принц и принцеза. Кралските експерти шпекулираат дека Чарлс може да ги промени и законите и обичаите во неговото семејство и дека сегашните 22 члена на кралското семејство кои извршуваат должности во име на монархот ќе бидат намалени на само седум.

Наводно, новиот крал сака да ги растовари британските даночни обврзници и да донесе одлука да го намали кралското семејство, во институционална смисла да бидат само тој, Камила, принцот Вилијам, принцезата Кејт и нивните три деца. Понатаму, се шпекулира дека во иднина принцезите и принцовите ќе бидат само директни наследници на кралот.

Каква е состојбата во другите монархии?

Европа моментално има 12 монархии, од кои седум се кралства. Андора, Лихтенштајн и Монако се кнежества, додека Луксембург е Големо Војводство. Сите тие имаат различни закони и обичаи за наследување, но бидејќи се помалку популарни од британското кралско семејство, не се пишува често за нив.

Во Шпанија, на пример, само најстарото дете на владетелот е принц или принцеза. Така, сега принцеза е само постарата ќерка на кралот Фелипе, Леонор. Нејзината помлада сестра Софија ја има титулата инфанта, иако му е ќерка на кралот. Ако кралот Фелипе и неговата сопруга Летиција добијат син, Леонор ќе престане да биде наследник, а со тоа и принцеза.

Извор: Index.hr
Фото: Instagram