Компанијата dm со гордост ви го најавува третото продолжение на екопроектот „Пошумуваме заедно за позелено утре“! Овој проект тие го започнаа во 2022 година, а досега посадија речиси 60.000 нови садници.
Оваа година имаат цел да ја стигнат спектакуларната бројка на 100.000 засадени дрвја!
Започнуваат во Скопје, со уредување на „Рајски парк“ во Општина Аеродром, каде што ќе засадат повеќе од 300 нови дрвја, а продолжуваат со хортикултурно уредување на дворовите на ОУ „Славејко Арсов“ и детската градинка „Сончогледи“ во Штип.
Сезоната ја затвораат на 24 ноември, кога заедно со сите нас ќе реализираат уште едно масовно пошумување во близина на Велес, во близина на езерото Младост, на површина која беше неодамна уништена од пожар.
Приклучете се на масовното пошумување во близина на Велес со пополнување на
оваа пријава! Пријавувањето трае до 15 ноември.
Главниот мотив за започнување на проектот „Пошумуваме заедно за позелено утре” лежи во стратешката определба, која постои уште од самото основање на компанијата - да се грижи за животната средина, а притоа да ги мотивира своите вработени, како и други поединци и компании да го сторат истото, придонесувајќи кон создавање поздрава животна средина за сите нас и за идните генерации. Не треба да го игнорираме фактот дека природата може без нас, но ние не можеме без неа. Должни сме да ги чуваме и да ги обновуваме природните ресурси за да можеме адекватно да одговориме на сите предизвици што ни претстојат. А тоа сакаат да го направат преку зачувување и обновување на шумите, кои се нашиот главен извор на кислород и симбол на животот.
Од компанијата велат дека во нивната корпоративна општествена одговорност, садењето дрвја е повеќе од само еколошка иницијатива. Тоа е начин на кој компанијата покажува дека е посветена на создавање подобро утре. Со секое засадено дрво, таа вложува во нашата планета, во нашата заедница и во нашите вредности. Затоа приклучете се во овој екопроект и пренесете им ја веста на вашите најблиски!
(Комерцијална објава)