Хотелот „Сити оф дримс медитеранијан“ се наоѓа на јужниот брег на Кипар и е популарна дестинација за одмор на Британците, особено за оние што сакаат малку сонце во текот на зимските месеци бидејќи температурите на островот во ноември достигнуваат 20 степени.

Ова е едно од најсончевите места во Европа, каде што има сонце речиси 340 дена во годината. Токму затоа хотелот ја дава оваа понуда: ако во текот на деновите кога престојувате има помалку од 70 отсто сонце помеѓу 9 и 17 часот, хотелот ќе ви овозможи бесплатна ноќ за вашето следно патување.

Дополнително, доколку резервирате пред 30 ноември, ќе добиете 15 отсто попуст на цената за престој до 20 декември 2024 година. Собите се изнајмуваат за околу 270 евра од ноќ, а секоја резервација вклучува појадок во нивниот ресторан „Аура“.

Во близина на хотелот се наоѓа шармантниот приморски град Пафос, познат по своето археолошко богатство. Античкиот град е домаќин на познатата куќа на Дионис, каде што сложените мозаици го прикажуваат минатото на Кипар.

За малку мистерија, посетителите можат да талкаат низ Гробниците на кралевите, огромно археолошко наоѓалиште на отворено со камени гробници.

Извор: Metro.co.uk