Фарма од 19 век и шума се дел од болничкиот комплекс Вил-Еврар, кој по ваквиот вид терапија е единствен во Франција.

Двојката што стои зад оваа програма вели дека се потребни повеќе научни истражувања поврзани со терапиите со животни, кои денес се применуваат низ светот. Тие би сакале психијатриската заедница формално да ја признае како дополнителен облик на грижа и лекување, посочувајќи ги своите искуства со пациентите и негувателите.

Персоналот на психијатриската болница истакнува дека животните им помагаат на пациентите подобро да ги регулираат емоциите, да ја подобрат комуникацијата и полесно да воспоставуваат социјални контакти.

Пациентите бесплатно присуствуваат на сесиите, кои се дел од третманот и се финансирани од францускиот јавен здравствен систем.