Селењето во нова земја за да се започне со нова работа е нервозно, малку застрашувачко и изненадувачко искуство. Но, тоа е и фантастичен начин да научите повеќе за нови култури, да си ги проширите хоризонтите и да развиете нови вештини.

Како и да е, ново истражување покажа дека веројатноста за селење во друга земја поради кариера е помала кај жените отколку кај мажите (25% наспроти 38%). Всушност, 28 отсто од жените ги наведуваат работата или едукацијата на нивниот партнер или, пак, нивната врска како нивната главна мотивација за селење во нова земја. Накратко, повеќето жени се селат во странство за да ги поддржат кариерите на нивните партнери, а не заради сопствените кариери.

Мажите, од друга страна, ја наведуваат нивната работа како главна причина за селење на ново место и само 13 отсто се селат поради љубов или поради кариерата или образованието на партнерката.

Во обид да охрабрат повеќе жени да си го стават својот напредок на прво место, од мрежата за иселеници „ИнтерНејшнс“ анкетирале 8.855 жени иселеници глобално за да утврдат во кои земји жените се најсреќни со нивните кариери.

За да се направи рангирањето биле земени предвид балансот меѓу работата и приватниот живот, сигурноста на работа и перспективата во кариерата.

Ова се десетте најдобри земји за жените кога станува збор за работа во странство.


70 отсто од жените што се преселиле во оваа земја се задоволни од балансот меѓу работата и приватниот живот во Австралија (во споредба со оние 60 отсто на глобално ниво), а 60 отсто велат дека заработуваат повеќе отколку што би заработувале во нивната татковина.

9. Малта
Две третини од жените доселенички на островот се задоволни со сигурноста на нивната работа (во споредба со глобалниот просек од 58 отсто), а 58 отсто се задоволни со перспективата во кариерата (во споредба со 48 отсто од мажите).


92 отсто од доселеничките во Холандија се задоволни од економијата, што е многу повеќе од светскиот просек од 64 отсто.


Здравиот баланс меѓу работата и приватниот живот е една од најдобрите причини за селење во Нов Зеланд, каде што 78 отсто од жените се задоволни од нивниот баланс меѓу работата и приватниот живот.


Повеќе од три четвртини (76%) од доселеничките во Луксембург веруваат дека заработуваат повеќе отколку што би заработувале во нивната татковина. Исто така, голем процент (70%) од доселеничките се задоволни од сигурноста на нивната работа.

5. Данска
Откако минатите три години беше на десеттото место, Данска сега се искачи на петтото благодарение на тоа што доселеничките се позадоволни од сигурноста на работата, која од 53 отсто се зголемила на 61 отсто. Исто така, земјата има висок процент на задоволство од балансот меѓу работата и животот (82%).

4. Норвешка
Уште една скандинавска земја му покажува на остатокот од светот како се работи. 75% од доселеничките во Норвешка се задоволни од балансот меѓу работата и приватниот живот, а 93 отсто од сигурноста на работата. Истовремено, 86% се задоволни од работното време.


Жените што работат во Тајван се посреќни од мажите кога станува збор за перспективите во кариерата (66 наспроти 62 отсто) и балансот меѓу работата и приватниот живот (77 наспрема 66 отсто), но мажите се малку позадоволни од нивната сигурност на работата (78% наспрема 72% кај жените).


Земјата оваа година бележи пад од едно место на листата, но две третини (66%) од доселеничките во оваа земја се задоволни од перспективите во кариерата и генерално се среќни со работата што ја имаат во Бахреин.


Највисоко рангираната земја кога станува збор за работа за жени, Чешка, бележи подем од осум позиции за само една година. 83 отсто од жените во оваа земја се задоволни од работата и нивниот степен на задоволство е 11 отсто повисок отколку оној на мажите. 73% од доселеничките во Чешка се задоволни од перспективите во кариерата, 79% од балансот меѓу работата и приватниот живот и 78 отсто се задоволни од сигурноста на работата.