Група од 165 жители на селото Олмен во белгиската провинција Антверпен освоила над 143 милиони евра на лотаријата Јуромилионс (Euromillions).
- Жителите на Олмен ги собрале парите и заедно купиле ливче во киоск. Секој од нив освои по околу 868.000 евра - соопшти Белгиската државна лотарија.
За ждрепката во вторникот имало 27 милиони пријави. Џек-потот изнесувал 142.897.164 евра.
Портпаролот на Државната лотарија, Јоке Вермоере, изјави дека групните добивки во Белгија не се чести и дека ова е најголема група која некогаш освоила награда. Идентитетот на добитниците не е објавен.
Извор: МИА