Француската астронаутка Софи Адено сними неверојатна фотографија од вулканот Везув додека престојуваше на Меѓународната вселенска станица.
Софи Адено, астронаутка на Европската вселенска станица, моментално е дел од мисијата „Спејс екс кру-12“ на Меѓународната вселенска станица. Заедно со астронаутите Џесика Меир и Џек Хатавеј, како и космонаутот Андреј Федјаев, екипажот пристигна во февруари и треба да помине шест месеци во вселената.
На 103. ден од мисијата, за време на 1.598. орбита околу Земјата, Адено направила впечатлива фотографија од вулканот Везув и ја споделила на социјалните мрежи.
Зошто фотографијата е посебна?
- Гледани од орбитата, вулканите се меѓу најубавите природни глетки - напишала Адено објаснувајќи дека кон крајот на април го забележала и Етна, чиј снежен пејзаж и тенок чаден столб веднаш ѝ го привлекле вниманието.
- Помалку од една минута подоцна летавме над Везув, веднаш препознатлив по огромниот кратер, патеката што води кон врвот и, пред сè, Неапол кој се простира околу него - додала таа.
Везув е најпознат по катастрофалната ерупција во 79 година од нашата ера кога го затрупал античкиот град Помпеја.
И денес се смета за активен вулкан и е под постојан надзор на научниците поради милионите луѓе што живеат во неговата околина.
Извор:
Space.com
Фото: ESA/NASA – S. Adenot