Личните асистенти на дечињата со попреченост кои се дел од основното образование мора да се пријават во Агенцијата за вработување како невработени лица за да можат да работат во јавните училишта. Тие се ангажирани преку проект на УНДП, поддржан од Министерството за образование и наука (МОН), не се редовно вработени, а со тоа ниту им тече стаж ниту имаат здравствено осигурување. Велат дека во тие 7.400 денари што ги добиваат секој месец како надомест за ангажманот се вклучени и трошоците што ги имаат за храна и за превоз, па најчесто се принудени да работат и дополнителна работа за да можат да опстанат. Се жалат дека и исплатата на хонорарот им доцни.