Данска, која редовно се наоѓа меѓу топ-5. најсреќни земји на светот на Извештајот за светска среќа, наскоро ќе отвори музеј за среќата.

Зошто нордиските земји честопати се на врвот на Извештајот за светска среќа? Како се развива перцепцијата за добриот живот со текот на времето и дали навистина може да се измери среќата?

Посетителите ќе можат да ги побараат одговорите на овие прашања во првиот светски музеј за среќа во Данска, која се најде на второто место, зад Финска, во најново издание на Извештајот за светска среќа.

Институтот за истражување на среќата стои зад „Музејот за среќа“ кој треба да се отвори во мај. Влегувањето ќе чини 12 евра за возрасни и 8 евра за деца и постари лица.


- Обединетите нации ја ставаат среќата на агендата со Светскиот извештај за среќата, каде што Данска постојано се наоѓа на врвот како една од најсреќните земји - вели Викинг.

- Во Институтот за истражување на среќата добиваме многу барања за посети - луѓето замислуваат дека канцеларијата е магично место полно со кученца и сладолед. За жал, седиме пред компјутер и разгледуваме податоци и докази. Затоа си помисливме дека треба да создадеме музеј каде што ќе можеме да ја оживееме науката за среќата - додава тој.

Во музејот посетителите ќе добијат увид во историјата на среќата, политиката на среќата, анатомијата на насмевки и зошто нордиските земји се сметаат за суперсили за среќа. Музејот ќе биде интерактивен и посетителите ќе земат учество во вежби, како и експерименти за мислење: Дали би го зеле синото апче или црвеното апче во Матрикс.

Изложбите ќе вклучуваат и артефакти на среќа што ги донираат луѓе од целиот свет, а кои ги потсетуваат на нивните најсреќни моменти.

- Можеби сме Данци и Британци - но пред сè сме луѓе. Се надевам дека посетителите ќе видат колку сме слични кога станува збор за среќата и се надеваме дека од музејот ќе излезат помотивирани да го направат светот подобро место - додава тој.

Извор: Thelocal.dk