Надеж е збор со кој сите подобро се запознавме во текот на последната година. Светот се соочува со пандемија, а јапонската уметница Чихару Шиота се обидува преку уметноста да ги инспирира сите да веруваат.
За нејзина неодамнешна изложба во Берлин, таа создала инсталација наречена „Се надевам“ (англ. I hope) со 10.000 писма во кои се изразува надеж за иднината што ѝ биле испратени од луѓе низ целиот свет. Писмата висат и се меѓусебно поврзани со илјадници конци.
- За време на пандемијата на Ковид-19, тешко е да се размислува за надежта, но имагинацијата за иднината е многу важна за луѓето - изјавила Шиота за „Мај модерн мет“.
- Доколку немате инспирација, нема иднина. Им дадов црвена хартија на луѓето за да може да ги запишат нивните желби за иднината и за потоа да ја пополнам оваа галерија со оваа надеж - додала таа, објаснувајќи дека иако никој од луѓето не е таму, се чувствува присуството на сите.
Инсталацијата се наоѓа во поранешна црква, која сега претставува локација за изложба на галеријата „Кениг“. Изложбата не била отворена за јавноста, но музичари, танчари и други уметници што ги познава Шиота биле поканети да направат изведба на празното место, а нивните презентации биле пренесувани онлајн.
Изведбите може да се погледнат на „
Фејсбук“ и „
Инстаграм“ до 18 април.
Автор: Арнесија Јанг
Извор:
mymodernmet.com
Фото: „Фејсбук“