Што ако ви кажеме дека редовното одење во музеи е одлично за вашето здравје?

Зошто уметноста, особено визуелната, е добра? Што се случува во телото кога гледате уметничко дело и како тој контакт ве трансформира и ви помага да бидете поздрави?

Ова е прашањето што си го поставила Микаела Ло, истражувачка по психологија на Универзитетот во Окленд, Нов Зеланд, заедно со нејзините колеги во 2021 година.

Тие ја испитувале научната литература за физиолошкиот одговор на визуелната уметност и нејзиниот ефект врз стресот.

Некои истражувања покажуваат дека изложеноста на уметнички дела може да го намали крвниот притисок, отчукувањата на срцето и кортизолот. Се чини дека лицето ја перципира оваа промена и таа се рефлектира во намалување на стресот.

Друго истражување покажа дека луѓето што редовно посетуваат (на секои два-три месеци или повеќе) културни места (театри, опери, музеи, галерии) имаат 50 отсто помал ризик од деменција и депресија и 40 отсто помал ризик од развој на синдром на изнемоштеност (опаѓање на здравјето поврзано со стареење и губење на функционалната независност).

Накратко, едно е сигурно: одењето во музеј значително ги зголемува шансите за пријатен ден.

Извор: Novilist.hr
Фото: Freepik