Припадниците на генерацијата З вложуваат огромен труд во мрзливост. Тие измислија нов начин за ментален детокс од постојаните дигитални одвлекувачи на вниманието.

Станува збор за предизвик во кој не прават апсолутно ништо, а сè документираат на „Тик-ток“. Овој необичен тренд стана нивен одговор на презаситеноста со информации и постојаната потреба за стимулaција.

Предизвик наречен „роудоџинг“

Оваа практика, наречена „роудоџинг“ (англ. rowdogging), подразбира свесно препуштање на здодевноста, односно гледање во празно, без забава, спиење или други работи што би го одвлекле вниманието. Целта е на мозокот да му се овозможи одмор во ерата на постојано присуство на екраните.

Предизвикот започнал минатото лето на летовите, кога младите се снимаа како поминуваат часови без да прават ништо, но потоа се прошири и во секојдневниот живот.

@monkeyless.app End phone addiction with meditation. 🧘‍♂️ Monkeyless in App Store 🧡 day 5 report: -first 30 minutes were very focused. no mind wandering, no gross distractions from the breath. stage 5-6 from TMI -my clock fell, this broke my concentration. afterwards it went down hill -no jhanas -calm, focused, and a small sense of equanimity after this session #attentionspan #rawdogging #meditation ♬ little dark age - 🤍

Експеримент: Еден час дневно здодевност

Самопрогласениот инфлуенсер за продуктивност Роуан спроведе експеримент. Тој секој ден практикувал „роудоџинг“ по еден час, со цел да го подобри својот распон на внимание.

Тој објаснил дека имал проблем со концентрацијата поради постојаните дози на допамин од телефонот, кофеинот, слатката храна и видеоигрите.

- Ми беше тешко да се фокусирам на работите што навистина ми значат - изјавил тој, додавајќи дека почувствувал потреба да му дозволи на мозокот слободно да лута без никаква стимулација.

Во првото од неговите видеа, снимено на 29 септември, Роуан седи во фотелја со затворени очи и се врти.

- Само да седиш и да не правиш ништо беше многу потешко отколку што мислев - напишал тој.

До седмиот ден, сепак, ја совладал „вештината на здодевноста“ и признал дека му станала дури пријатна. Тој вели дека претходно насекаде го носел телефонот, но дека повеќе нема таква потреба.

@hawthornfc raw dogging flights before AFL games 🧘‍♂️ #rawdog #flight #travel #afl #hawthorn ♬ original sound - strongsack

Овој „маратон на здодевноста“ му донел и значителни придобивки на работа.

- Бидејќи повеќе не ми треба постојана стимулација, се чувствувам многу попродуктивен. Се фокусирам на важните работи како работата, односите и присуството во моментот наместо да го проверувам телефонот на секои две секунди - рекол Роуан.

Психолозите: Толерирањето на здодевноста е важна вештина

Многу психолози одамна го истакнуваат значењето на здодевноста.

- Да се научи да се толерира здодевност е важна вештина. Секогаш ќе има моменти кога ни е здодевно. Ако никогаш не си го дозволиме тој момент и не се запрашаме „Што да направам со ова време?“, како ќе се снајдеме како возрасни? - вели психологот д-р Стејси Розенфелд.

Психијатарот д-р Карл Марси додава дека кога на децата им е досадно, почнуваат креативно да ги решаваат проблемите или да се забавуваат преку игра и дружење, што ја поттикнува нивната љубопитност и имагинација.

@productive.rowan Quick summary for one week into “doing nothing” #dopaminedetox #100dayschallenge #focus #productivity #habitstacking ♬ original sound - productive.rowan

- Постојаниот пристап до екрани ги учи дека никогаш не мора да им биде здодевно - вели тој.

Извор: Citymagazine.danas.rs
Фото: Freepik