Во 2020 година во САД се користеле 289 милиони возила, или 18 отсто од глобалниот вкупен број.
Со една од најголемите стапки на сопственост на автомобили во светот, бројот на автомобили на патиштата во САД е повеќе од двојно зголемен од 60-тите години досега. Но, како сопственоста се споредува со другите земји и кој бележи најбрзи стапки на раст во услови на растечка глобална средна класа?
Графиконот подолу ги прикажува возилата по глава на жител по земја, врз основа на податоците од Меѓународната организација на производители на моторни возила.
Фото: Visual Capitalist
Подолу се рангирани земјите врз основа на бројот на регистрирани возила што се користат на 1.000 луѓе, вклучувајќи ги и патничките и комерцијалните возила заклучно со 2020 година.
Нов Зеланд е на прво место
На прво место се најде Нов Зеланд, земјата позната по љубовта кон автомобилите.
Со речиси девет автомобили на патиштата за секои 10 луѓе, оваа бројка е значително висока имајќи предвид дека децата сочинуваат околу 20 отсто од населението. Поголемиот дел од автомобилите се увезени од втора рака од Јапонија благодарение на бранот на дерегулација во 80-тите години, заедно со земјата како главен производител на автомобили со волан од десна страна.
Фото: Visual Capitalist
САД се на второ место, со јасна предност за камиони и теренци. Всушност, „форд Ф-1“ е најпродаваното возило во Америка 42 последователни години.
Во Европа, Полска има најголем број на возила по лице, но најмал удел на електрични возила. Додека електричните возила сочинуваат речиси 16 отсто од сите автомобили во Норвешка, тие сочинуваат 0,1 отсто во Полска. Во просек, електричните возила сочинуваат 0,8 отсто од патничките автомобили во Европската Унија.
Најдобрите пазари за електрични возила
Продажбата на електрични возила се зголемува, а ова се најголемите пазари во светот, врз основа на бројот на електрични автомобили во употреба до 2022 година.
Кина е дом на повеќе од половина од електричните возила во светот
Кина произведува приближно 70 отсто од светските ретки метали и има поголем капацитет за производство на батерии од сите други земји заедно.
Фото: Visual Capitalist
Освен тоа, Кина разви клучни владини политики кои конкретно се справуваат со оперативните пречки, како што се ограничувањата на батериите, што доведува до иновации во основните технологии. Во 2023 година електричните возила сочинуваа 31 отсто од вкупната продажба на автомобили во Кина, поттикнати од владините стимулации и силната побарувачка.
Норвешка е уште еден лидер на пазарот на електрични возила. Владата на Норвешка почна да воведува политики за електрични возила уште во 1990 година. Земјата има цел целосно да ја укине продажбата на возила со мотори со внатрешно согорување до 2025 година. Околу 80 отсто од сите продажби на возила во Норвешка беа електрични во 2022 година, што е највисока стапка во светот.
Извор:
Visual Capitalist
Фото: Freepik