Светскиот ден против гладот беше одбележан на 16.10.2015 (вчера) низ целиот свет. На овој ден се потсетуваме дека единствениот дозволен број на гладни луѓе во светот е 0 и правото на храна е основно човеково право.
На овој ден, луѓето од целиот свет ја покажуваат солидарноста и посветеноста за елиминација на гладот во скоро време. „Vedel IT“ ја препознаа потребата за храна во земјава и донираа пакети со храна во Пунктот за бездомници на Црвениот крст.
- Светскиот ден против гладот им дава можност на сите да им помогнат на луѓето кои имаат искуство со глад и недостаток од храна, а ние како тим во Vedel IT ја искористивме шансата и се обидовме да направиме промена за подобра цел - велат од „Vedel IT“.